.jpeg)
आओ हम सब मिलिकै रोई । यहि देस कै भैया का होई॥
खादी खाकी मौसेरे भाई,काटे मनइन कै गटई ।
आपन-आपन धरम छोडि ,उई करत है दुनो चोरकटई॥
तुम देखो जाई कचेहरी मा,सब रोवा-रोवा नोच लेई।
अर्दली ,वकील और पेशकार ,मिली खून चूस जस जोंक लेई ॥
राम अंधेरे जन-प्रिय नेता ,काटि चुके दस साल जेल है।
और लड़े इलेक्शन जेलै से,मुल अब तो उई मंत्री जेल है॥
नेता जी के घर भरी पड़ी , काजू बादामन की बोरी ।
मोहम्मद जमील शास्त्री
प्रवक्ता (हिन्दी)
खादी खाकी मौसेरे भाई,काटे मनइन कै गटई ।
आपन-आपन धरम छोडि ,उई करत है दुनो चोरकटई॥
यहि देस कै भैया का होई ॥ आओ हम....
तुम देखो जाई कचेहरी मा,सब रोवा-रोवा नोच लेई।
अर्दली ,वकील और पेशकार ,मिली खून चूस जस जोंक लेई ॥
यहि देस कै भइया का होई ॥ आओ हम....
राम अंधेरे जन-प्रिय नेता ,काटि चुके दस साल जेल है।
और लड़े इलेक्शन जेलै से,मुल अब तो उई मंत्री जेल है॥
यहि देस कै भइया का होई ॥ आओ हम....
बासी रोटी टूका-टूका ,घिसुआ कै लरिके बाँटी रहे ।
जनता के सेवक नेताजी ,मुर्गा बिरयानी काटि रहे ॥ यहि देस कै भइया का होई ॥ आओ हम....
नेता जी के घर भरी पड़ी , काजू बादामन की बोरी ।
मुल मूंगफली का तरस रहे,मजदूरन कै छोरा -छोरी ॥
यहि देस कै भइया का होई ॥ आओ हम....
मोहम्मद जमील शास्त्री
प्रवक्ता (हिन्दी)
Comments
Post a Comment
आपका बहुत - बहुत शुक्रिया जो आप यहाँ आए और अपनी राय दी,हम आपसे आशा करते है की आप आगे भी अपनी राय से हमे अवगत कराते रहेंगे!!
--- संजय सेन सागर